കോഴിക്കോട്: മുഖ്യമന്ത്രി വി.ഡി. സതീശനും ആഭ്യന്തരമന്ത്രി രമേശ് ചെന്നിത്തലയ്ക്കുമെതിരെ ഭീഷണി പ്രസംഗം നടത്തിയെന്നാരോപിച്ച് സിപിഎം കോഴിക്കോട് ജില്ലാ സെക്രട്ടറി എം. മെഹബൂബിനെതിരെ പരാതി നൽകുമെന്ന് കോഴിക്കോട് ഡിസിസി പ്രസിഡന്റ് കെ. പ്രവീൺകുമാർ. ചേവായൂർ സഹകരണ ബാങ്ക് തിരഞ്ഞെടുപ്പുമായി ബന്ധപ്പെട്ട സംഘർഷത്തിൽ സിപിഎം നേതാവ് എം. ഗിരീഷിനെ അറസ്റ്റ് ചെയ്തതിൽ പ്രതിഷേധിച്ച് നടത്തിയ യോഗത്തിലാണ് മെഹബൂബ് പ്രസംഗിച്ചത്. മുഖ്യമന്ത്രിയെയും ആഭ്യന്തരമന്ത്രിയെയും കോഴിക്കോട്ട് ഇറക്കില്ലെന്നായിരുന്നു പ്രസംഗത്തിലെ പരാമർശമെന്ന് പ്രവീൺകുമാർ പറഞ്ഞു. കോഴിക്കോട്ടെ സിപിഎമ്മിന് ഇതിനുള്ള ശക്തിയില്ലെന്നും പ്രവീൺകുമാർ പ്രതികരിച്ചു. മെഹബൂബിന്റെ […]