തിരുവനന്തപുരം: പിഎസ്‌സി പരീക്ഷാ ക്രമക്കേടുമായി ബന്ധപ്പെട്ട് ക്രൈംബ്രാഞ്ച് രണ്ട് കേസുകൾ കൂടി രജിസ്റ്റർ ചെയ്തു. വില്ലേജ് ഓഫീസ് ഇൻസ്പെക്ടർ, ഫിഷറീസ് എക്സ്റ്റൻഷൻ ഓഫീസർ നിയമനങ്ങളുമായി ബന്ധപ്പെട്ടാണ് പുതിയ കേസുകൾ. എന്നാൽ ഈ കേസുകളിൽ ഇതുവരെ ആരെയും പ്രതി ചേർത്തിട്ടില്ല. കേസുമായി ബന്ധപ്പെട്ട് രണ്ട് പിഎസ്‌സി അംഗങ്ങളെ ക്രൈംബ്രാഞ്ച് ഇന്ന് ചോദ്യം ചെയ്യും. ചോദ്യം ചെയ്യൽ നടപടികൾ വീഡിയോയിൽ പകർത്തും. പിഎസ്‌സി ചെയർമാൻ എം.ആർ. ബൈജു നാളെ ചോദ്യം ചെയ്യലിന് ഹാജരായേക്കുമെന്നും റിപ്പോർട്ടുകളുണ്ട്. പിഎസ്‌സി ചെയർമാനെതിരെ മുഖ്യമന്ത്രിക്ക് നൽകിയ […]