തിരുവനന്തപുരം: നെടുമങ്ങാട് ഒന്നര വയസുകാരനെ രണ്ടാനച്ഛൻ കൊലപ്പെടുത്തിയ കേസിൽ വേഗത്തിൽ കുറ്റപത്രം സമർപ്പിക്കണമെന്ന് ഹൈക്കോടതി നിർദേശം. സ്വമേധയാ എടുത്ത കേസ് പരിഗണിക്കവെയാണ് ചീഫ് ജസ്റ്റിസ് അധ്യക്ഷനായ ബെഞ്ച് അന്വേഷണ പുരോഗതി വിലയിരുത്തിയത്. ഫോറൻസിക് പരിശോധന ഫലം ലഭിക്കുന്നതിലെ കാലതാമസമാണ് കുറ്റപത്രം സമർപ്പിക്കാൻ വൈകുന്നതിന് കാരണമെന്ന് സർക്കാർ കോടതിയെ അറിയിച്ചു. എന്നാൽ നടപടികൾ വേഗത്തിലാക്കണമെന്ന് കോടതി നിർദേശിച്ചു. കേസിൽ കക്ഷിയാക്കണമെന്ന ശിശുസംരക്ഷണ ഓഫീസറുടെ ആവശ്യം ഹൈക്കോടതി തള്ളി. കുട്ടിയുടെ സംരക്ഷണവുമായി ബന്ധപ്പെട്ട സംവിധാനങ്ങളുടെ പ്രവർത്തനത്തെക്കുറിച്ചും കോടതി നിരീക്ഷണം നടത്തി. […]