ന്യൂഡൽഹി: നീറ്റ് പരീക്ഷാ ചോദ്യപേപ്പർ ചോർച്ചയുമായി ബന്ധപ്പെട്ട കേസിൽ എൻടിഎ ഡയറക്ടർ വിശ്വജീത് കുമാർ സിബിഐക്ക് നൽകിയ മൊഴിയുടെ വിശദാംശങ്ങൾ പുറത്ത്. ചോദ്യപേപ്പർ സൂക്ഷിച്ചിരുന്ന രഹസ്യ ഹാളിൽ കൃത്യമായ പരിശോധന നടത്തിയിരുന്നില്ലെന്നും സുരക്ഷാ സംവിധാനങ്ങളിൽ വീഴ്ച സംഭവിച്ചിരുന്നുവെന്നും അദ്ദേഹം സമ്മതിച്ചതായാണ് വിവരം. രഹസ്യ ഹാളിലേക്ക് പ്രവേശിക്കുന്ന ഉദ്യോഗസ്ഥരുടെ ദേഹപരിശോധന പ്രവേശന സമയത്തോ പുറത്തിറങ്ങുമ്പോഴോ നടത്തിയിരുന്നില്ലെന്നും എൻടിഎ ഡയറക്ടർ മൊഴി നൽകിയതായി റിപ്പോർട്ടുകൾ പറയുന്നു. സിസിടിവി ദൃശ്യങ്ങളും കാര്യമായി പരിശോധിച്ചിരുന്നില്ലെന്നാണ് മൊഴിയിലെ പരാമർശം. പ്രവേശന കവാടത്തിലെ സിസിടിവി മാത്രമാണ് […]