പാലക്കാട്: ഉപതെരഞ്ഞെടുപ്പിൽ പാലക്കാട്ടെ യുഡിഎഫിന്റെ മുന്നേറ്റവുമായി മാധ്യമങ്ങളെ കണ്ട് സന്ദീപ് വാര്യർ. പാലക്കാട്ടെ ജനങ്ങളിൽ വിശ്വാസമുണ്ടെന്നും അവർ തന്ന സ്നേഹത്തിന് ഒരുപാട് നന്ദിയെന്നും സന്ദീപ് വാര്യർ. പാലക്കാട് മുൻസിപ്പാലിറ്റിയിൽ ബിജെപിയുടെ അടിവേര് യുഡിഎഫ് ഇളക്കിയിരിക്കുകയാണെന്നും ഈ പരാജയത്തിന്റെ ഏക ഉത്തരവാദി കെ സുരേന്ദ്രൻ മാത്രമാണെന്നും സന്ദീപ് പറഞ്ഞു. സുരേന്ദ്രൻ പുറത്തുപോകാതെ ബിജെപി കേരളത്തിൽ രക്ഷപ്പെടാൻ പോകുന്നില്ലെന്നും അതുകൊണ്ടുതന്നെ അയാൾ രാജിവെക്കേണ്ട എന്നാണ് താൻ ആഗ്രഹിക്കുന്നതെന്നും അദ്ദേഹം കൂട്ടിച്ചേർത്തു. പാലക്കാട്ടെ ബിജെപി സ്ഥാനാര്‍ത്ഥി സി കൃഷ്ണകുമാറിനെതിരെ സന്ദീപ് വിമർശിക്കുകയുണ്ടായി. […]