Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

ബോളിവുഡ് താരം സെയ്‍ഫ് അലി ഖാന് വധഭീഷണി; അന്വേഷണവുമായി പൊലീസ്

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

മുംബൈ: ബോളിവുഡ് താരം സെയ്ഫ് അലി ഖാന് വധഭീഷണി. മഹാരാഷ്ട്ര മുൻ മന്ത്രി ബാബ സിദ്ദിഖി വധക്കേസിൽ ഒളിവിൽ കഴിയുന്ന പ്രതി സീഷാൻ അക്തറിന്റെ പേരിലാണ് ഭീഷണി സന്ദേശം ലഭിച്ചത്. സെയ്ഫ് അലി ഖാന്റെ ഫോണിലേക്ക് വോയ്സ് ക്ലിപ്പിന്റെ രൂപത്തിലാണ് ഭീഷണി എത്തിയത്. ബാബ സിദ്ദിഖിക്ക് സംഭവിച്ച അതേ വിധി നേരിടേണ്ടിവരുമെന്നായിരുന്നു സന്ദേശത്തിലെ മുന്നറിയിപ്പ്. സംഭവത്തിൽ ശബ്ദസന്ദേശത്തിന്റെ ആധികാരികത പരിശോധിച്ചുവരികയാണെന്ന് മുംബൈ പൊലീസ് അറിയിച്ചു.

ബോളിവുഡ് നടിയും സെയ്ഫ് അലി ഖാന്റെ ഭാര്യയുമായ കരീന കപൂർ ദീപാവലി ആഘോഷത്തിനിടെ ധരിച്ച ആഭരണങ്ങളുമായി ബന്ധപ്പെട്ടാണ് ഭീഷണി സന്ദേശമെന്നാണ് റിപ്പോർട്ടുകൾ. സന്ദേശത്തിന് പിന്നിൽ ആരാണെന്നും സീഷാൻ അക്തറിന് ഇതുമായി ബന്ധമുണ്ടോയെന്നും പൊലീസ് അന്വേഷിച്ചുവരികയാണ്.

പുതിയ സംഭവവികാസങ്ങളുടെ പശ്ചാത്തലത്തിൽ സുരക്ഷാ ഭീഷണി നേരിടുന്ന ബോളിവുഡ് താരങ്ങൾ പൊലീസിനെ സമീപിച്ചിട്ടുണ്ട്. രണ്ട് ബോളിവുഡ് താരങ്ങളാണ് സുരക്ഷ ആവശ്യപ്പെട്ട് മുംബൈ പൊലീസിന് അപേക്ഷ നൽകിയത്. അപേക്ഷകൾ പരിശോധിച്ചുവരികയാണെന്നും താരങ്ങൾക്ക് എക്സ് കാറ്റഗറി സുരക്ഷ നൽകുന്ന കാര്യം പരിഗണനയിലാണെന്നും പൊലീസ് അറിയിച്ചു. രണ്ട് സൂപ്പർ താരങ്ങളുടെ സുരക്ഷ നേരത്തെ വൈ പ്ലസ് കാറ്റഗറിയിലേക്ക് ഉയർത്തിയിരുന്നു.

തുഷാർ കപൂർ, ആയുഷ്മാൻ ഖുറാന തുടങ്ങിയ താരങ്ങളും മുൻപ് സമാനമായ ഭീഷണികൾ നേരിട്ടിരുന്നു. ഇതിനിടെ, വധഭീഷണി സന്ദേശങ്ങൾ അയച്ച മറ്റൊരു കേസിൽ മുംബൈ പൊലീസ് ബെംഗളൂരുവിൽ നിന്ന് വൈഭവ് മിശ്ര എന്ന മുപ്പതുകാരനെ അറസ്റ്റ് ചെയ്തിരുന്നു. ഐഐടി ബിരുദധാരിയായ ഇയാൾക്ക് ക്രിമിനൽ സംഘങ്ങളുമായി ബന്ധമില്ലെന്നും എഐ സാങ്കേതികവിദ്യ ഉപയോഗിച്ചാണ് ഭീഷണി സന്ദേശങ്ങൾ തയ്യാറാക്കി അയച്ചതെന്നുമാണ് റിപ്പോർട്ടുകൾ.

2024 ഒക്ടോബർ 12നാണ് മഹാരാഷ്ട്ര മുൻ മന്ത്രിയും എൻസിപി നേതാവുമായ ബാബ സിദ്ദിഖി വെടിയേറ്റ് കൊല്ലപ്പെട്ടത്. മകൻ സീഷാൻ സിദ്ദിഖിയുടെ ഓഫീസിന് പുറത്ത് വെച്ച് മൂന്ന് പേരാണ് അദ്ദേഹത്തിന് നേരെ വെടിയുതിർത്തത്. കേസിൽ സീഷാൻ അക്തർ ഉൾപ്പെടെയുള്ളവരുടെ പങ്ക് അന്വേഷണ പരിധിയിലുണ്ട്.

സെയ്ഫ് അലി ഖാന് ലഭിച്ച ഭീഷണി സന്ദേശത്തിന്റെ ഉറവിടവും ഇതിന് പിന്നിലെ യഥാർഥ ലക്ഷ്യവും കണ്ടെത്താനുള്ള അന്വേഷണത്തിലാണ് മുംബൈ പൊലീസ്.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Leave a Reply

Your email address will not be published. Required fields are marked *

Recent News

Advertisement
WhiteswanTV Footer – WordPress Mobile Fix