ചെന്നൈ: പുതിയ രാഷ്ട്രീയ പാർട്ടി പ്രഖ്യാപിച്ച് തമിഴ്നാട് മുൻ മുഖ്യമന്ത്രി ജയലളിതയുടെ തോഴി വികെ ശശികല. പേര് പിന്നീട് പ്രഖ്യാപിക്കും. കറുപ്പ്, വെള്ള, ചുവപ്പ് നിറങ്ങളിലുള്ള പാർട്ടി കൊടി പുറത്തിറക്കി. സിഎൻ അണ്ണാദുരൈ, എംജിആർ, ജയലളിത എന്നിവരുടെ ചിത്രങ്ങളുമുണ്ട്. ശശികല ഉൾപ്പെടുന്ന തേവർ സമുദായത്തിന്റെ ശക്തികേന്ദ്രമായ രാമനാഥപുരത്ത് ജയലളിത ജന്മവാർഷിക സമ്മേളനത്തിലായിരുന്നു പ്രഖ്യാപനം. തന്നെ പുറത്താക്കിയ എഡിഎംകെയ്ക്ക് ബദലായിട്ടാണ് ശശികലയുടെ പുതിയ നീക്കം. ദ്രാവിഡ രാഷ്ട്രീയത്തിൽ ഊന്നിയാകും പാർട്ടിയുടെ പ്രവർത്തനമെന്ന് ശശികല വ്യക്തമാക്കി.