തൃശൂർ: പാലപ്പള്ളി ഹാരിസൺ മലയാളം എസ്റ്റേറ്റിൽ തോട്ടം തൊഴിലാളി ജീവനൊടുക്കി. തൊഴിലാളിയായ മഞ്ജുഷ (47) ആണ് എസ്റ്റേറ്റിൽ ജീവനൊടുക്കിയത്. തൊഴിൽപീഡനമാണ് ജീവനൊടുക്കാൻ കാരണമെന്ന് ആരോപിക്കുന്ന ആത്മഹത്യാക്കുറിപ്പും കണ്ടെത്തിയതായി ബന്ധുക്കൾ പറയുന്നു. എസ്റ്റേറ്റിലെ മാനേജർമാരായ ആൽബിൻ, ബെന്നി, വർഗീസ് എന്നിവർ മാനസികമായി പീഡിപ്പിച്ചതായാണ് ആത്മഹത്യാക്കുറിപ്പിലെ ആരോപണം. ജോലിക്കിടെ മേലുദ്യോഗസ്ഥരുടെ അനുമതി വാങ്ങി 15 മിനിറ്റ് വീട്ടിലേക്ക് പോയതിനെ തുടർന്നാണ് മാനസിക പീഡനം ആരംഭിച്ചതെന്നും മഞ്ജുഷ കുറിപ്പിൽ ആരോപിക്കുന്നതായി ബന്ധുക്കൾ പറയുന്നു. മാനേജർമാർ അസഭ്യം പറഞ്ഞതിനെക്കുറിച്ച് പരാതി ഉന്നയിച്ചപ്പോൾ ജോലി […]