ബെംഗളൂരു: ബെംഗളൂരുവിലെ പ്രമുഖ പബ്ബിൽ നിന്ന് 132 കിലോഗ്രാം പഴകിയ ഭക്ഷ്യവസ്തുക്കൾ ഭക്ഷ്യസുരക്ഷാ ഉദ്യോഗസ്ഥർ പിടികൂടി. കാലാവധി കഴിഞ്ഞതും പൂപ്പൽ ബാധിച്ചതുമായ ഇറച്ചി, കേടായ വെജിറ്റബിൾ കട്ലെറ്റ്, പഴകിയ പാൽ ഉൽപന്നങ്ങൾ തുടങ്ങിയവയാണ് കണ്ടെത്തിയത്. അശോക് നഗറിലെ യുബി സിറ്റി മാളിലെ 16-ാം നിലയിൽ പ്രവർത്തിച്ചിരുന്ന സ്കൈ ലോഞ്ച് പബ്ബിന്റെ ഭക്ഷണശാലയാണ് അധികൃതർ അടച്ചത്. ഇവിടെ നിന്ന് 70 കിലോഗ്രാം പഴകിയ സോയ സോസ്, പഴകിയ മീൻ, കൂൺ, സോസുകൾ, കാലാവധി കഴിഞ്ഞ ഭക്ഷ്യവസ്തുക്കൾ എന്നിവ പിടിച്ചെടുത്തു. […]