കൊച്ചി: മോഹൻലാൽ–പ്രിയദർശൻ കൂട്ടുകെട്ടിൽ 1994ൽ പുറത്തിറങ്ങിയ ക്ലാസിക് ചിത്രം തേന്മാവിൻ കൊമ്പത്ത് റീ റിലീസിന് പിന്നാലെ വീണ്ടും വാർത്തകളിൽ. 4K ദൃശ്യ മികവിലും ഡോൾബി അറ്റ്‌മോസ് ശബ്ദ സാങ്കേതികവിദ്യയിലും ഒരുക്കിയ ചിത്രത്തിന്റെ റീമാസ്റ്റേർഡ് പതിപ്പിലെ ‘എന്റെ മനസ്സിലൊരു നാണം’ എന്ന പ്രശസ്ത ഗാനത്തിന്റെ വീഡിയോ അണിയറപ്രവർത്തകർ പുറത്തുവിട്ടു. ഒക്ടോബർ എട്ടിനാണ് ചിത്രം പുതുക്കിയ സാങ്കേതിക മികവോടെ വീണ്ടും തിയറ്ററുകളിലെത്തിയത്. ഗിരീഷ് പുത്തഞ്ചേരിയുടെ വരികൾക്ക് ബേണി–ഇഗ്നേഷ്യസ് സംഗീതം പകർന്ന ഗാനം എം.ജി. ശ്രീകുമാറും സുജാത മോഹനും ചേർന്നാണ് ആലപിച്ചിരിക്കുന്നത്. […]