തിരുവനന്തപുരം: കാപ്പാ കേസിൽ ജയിലിൽ കഴിയുന്ന ബിജെപി കൗൺസിലർ ആർ. സുഗതന് അനുകൂലമായി ആഭ്യന്തര വകുപ്പ് പുറത്തിറക്കിയ സർക്കുലറിൽ അതൃപ്തി രേഖപ്പെടുത്തി ആഭ്യന്തര മന്ത്രി രമേശ് ചെന്നിത്തല. രാഷ്ട്രീയമായി പ്രത്യാഘാതമുള്ള വിഷയത്തിൽ മന്ത്രിയുടെ അറിവില്ലാതെ സർക്കുലർ പുറത്തിറക്കിയത് വീഴ്ചയാണെന്നാണ് വിലയിരുത്തൽ. ആഭ്യന്തര വകുപ്പിലെ ഉദ്യോഗസ്ഥയാണ് മന്ത്രിയെ അറിയിക്കാതെ സർക്കുലർ നൽകിയതെന്നാണ് വിവരം. സംഭവത്തിൽ അന്വേഷണം നടത്താൻ മന്ത്രി നിർദേശം നൽകി. കൗൺസിലർ സ്ഥാനം നിലനിർത്താൻ സുഗതന്റെ അവധി അപേക്ഷ വോട്ടെടുപ്പിലൂടെ അംഗീകരിക്കാമെന്ന് സർക്കുലറിൽ വ്യക്തമാക്കിയിരുന്നുവെന്ന് തിരുവനന്തപുരം മേയർ […]