മലയാള സിനിമ കാത്തിരുന്ന ആ കംപ്ലീറ്റ് മാസ് കോമഡി ക്യാമ്പസ് ഫെസ്റ്റിവൽ ചിത്രം ‘അതിരടി’ തിയേറ്ററുകളിൽ വൻ തരംഗം സൃഷ്ടിക്കുന്നു. കഴിഞ്ഞ ദിവസം വൈകുന്നേരം ആറരയ്ക്ക് കേരളത്തിലെ നൂറോളം സ്‌ക്രീനുകളിൽ നടന്ന പ്രീമിയർ പ്രദർശനങ്ങൾ മുതൽ തന്നെ ചിത്രത്തിന് ആവേശോജ്ജ്വലമായ പ്രേക്ഷക പ്രതികരണമാണ് ലഭിച്ചുകൊണ്ടിരിക്കുന്നത്. ആദ്യ ഷോ കഴിഞ്ഞപ്പോൾ മുതൽ ഒരേ സ്വരത്തിൽ ‘ബ്ലോക്ക്ബസ്റ്റർ എന്റർടെയ്നർ’ എന്നാണ് പ്രേക്ഷകരും നിരൂപകരും ചിത്രത്തെ വിശേഷിപ്പിക്കുന്നത്. ആഗോള റിലീസായി റെഗുലർ പ്രദർശനം ആരംഭിച്ചതോടെ കേരളത്തിലെ തിയേറ്ററുകൾ അക്ഷരാർത്ഥത്തിൽ ആഘോഷപ്പറമ്പുകളായി മാറിക്കഴിഞ്ഞു. […]