ന്യൂഡൽഹി: സസ്‌പെൻഷൻ കാലയളവിൽ ജീവനക്കാരൻ ദിവസവും ഓഫീസിലെത്തി ഒപ്പുവെച്ചശേഷം ജോലിയും ചെയ്യണമെന്ന കേരള ഹൗസ് റസിഡന്റ് കമ്മീഷണർ പുനീത് കുമാറിന്റെ നിർദേശം കേരള അഡ്മിനിസ്‌ട്രേറ്റീവ് ട്രിബ്യുണൽ സ്റ്റേ ചെയ്തു. കേരള ഹൗസിലെ അസിസ്റ്റന്റ് ലൈസൺ ഓഫീസറും കേരള സെക്രട്ടേറിയറ്റ് എംപ്ലോയീസ് അസോസിയേഷന്റെ ഡൽഹി കൺവീനറുമായ ജയപ്രസാദ് നൽകിയ ഹർജിയിലാണ് നടപടി. സസ്‌പെൻഷനിലായ ഒരാളെ ഓഫീസിലെത്തി ജോലിചെയ്യണമെന്ന് നിർദേശിക്കുന്നത് അസാധാരണമാണെന്ന് ചൂണ്ടിക്കാട്ടിയാണ് ട്രിബ്യുണൽ സ്റ്റേ ഉത്തരവ് പുറപ്പെടുവിച്ചത്. അനധികൃതമായി ജോലിയിൽ നിന്ന് വിട്ടുനിന്നുവെന്ന് ആരോപിച്ച് ജയപ്രസാദിനെ റസിഡന്റ് കമ്മീഷണർ […]