ഛത്തീസ്ഗഡില് സ്റ്റീല് ഫാക്ടറി അപകടം; 6 തൊഴിലാളികള് മരിച്ചു
റായ്പൂര്: ഛത്തീസ്ഗഡിലെ സ്വകാര്യ സ്റ്റീല് പ്ലാന്റ്റ് ഫാക്ടറിയില് അപകടം. 6 തൊഴിലാളികള് മരിച്ചു. വ്യാവസായിക കേന്ദ്രമായ സില്താരയിലെ ഗോദാവരി പവര് & ഇസ്പാറ്റ് ലിമിറ്റഡിന്റെ പ്ലാന്റില് ആണ് അപകടം ഉണ്ടായത്. ഫാക്ടറിയില് ഉണ്ടായിരുന്ന മറ്റ് 6 പേര്ക്ക് കൂടി അപകടത്തില് പരുക്കേറ്റിട്ടുണ്ട്. ഇവരെ തൊട്ടടുത്തുള്ള ആശുപത്രിയില് പ്രവേശിപ്പിച്ചു. പരുക്കേറ്റവരില് മൂന്ന് പേരുടെ നില ഗുരുതരമാണെന്ന് പൊലീസ് പറഞ്ഞു. വെള്ളിയാഴ്ച ഉച്ചയോടെ ചൂള വൃത്തിയാക്കുന്നതിനിടെ ലോഹ നിക്ഷേപം ഇടിഞ്ഞു വീണാണ് അപകടം ഉണ്ടായത്.
Read more
