ചെന്നൈ: തമിഴ്നാട് നിയമസഭാംഗമായി നടനും ടിവികെ നേതാവുമായ വിജയ് സത്യപ്രതിജ്ഞ ചെയ്തു. പ്രോടേം സ്പീക്കർ കറുപ്പയ്യ ആണ് വിജയിന് സത്യവാചകം ചൊല്ലിക്കൊടുത്തത്. വിജയ് ഉൾപ്പെടെ ടിവികെയിൽ നിന്ന് തിരഞ്ഞെടുക്കപ്പെട്ട 99 അംഗങ്ങളാണ് ഇന്ന് ആദ്യമായി നിയമസഭാംഗങ്ങളായി സത്യപ്രതിജ്ഞ ചെയ്തത്. അതേസമയം ഉദയനിധി സ്റ്റാലിൻയും നിയമസഭാംഗമായി സത്യപ്രതിജ്ഞ ചെയ്തു. സ്പീക്കറുടെയും ഡെപ്യൂട്ടി സ്പീക്കറുടെയും തിരഞ്ഞെടുപ്പ് നാളെ നടക്കും. ബുധനാഴ്ചയ്ക്കകം വിശ്വാസവോട്ടെടുപ്പ് നടത്തണമെന്ന് ഗവർണർ നിർദേശിച്ചിട്ടുണ്ട്. എം.കെ. സ്റ്റാലിൻ ഉൾപ്പെടെ നിരവധി മുതിർന്ന ഡിഎംകെ നേതാക്കൾ തിരഞ്ഞെടുപ്പിൽ പരാജയപ്പെട്ട സാഹചര്യത്തിൽ […]