ഒഡീഷയിലെ പുരി ജഗന്നാഥ ക്ഷേത്രത്തില്‍ തീവ്രവാദ ആക്രമണമുണ്ടാവുമെന്ന ഭീഷണി സന്ദേശം. ക്ഷേത്രത്തിന് സമീപമുള്ള മറ്റൊരു ക്ഷേത്രത്തിന്റെ മതിലിലാണ് ഒഡിയയിലും ഇംഗ്ലീഷിലും ഭീഷണി സന്ദേശം പ്രത്യക്ഷപ്പെട്ടത്. പ്രധാനമന്ത്രി നരേന്ദ്രമോദിയുടെ പേര് അടക്കം പരാമര്‍ശിച്ചുകൊണ്ടായിരുന്നു ഭീഷണി സന്ദേശം. എന്നാല്‍ പ്രദേശവാസികള്‍ ഉടന്‍ തന്നെ ഈ ഭീഷണി മായ്ച്ചു കളയുകയായിരുന്നു. ‘തീവ്രവാദികള്‍ ജഗന്നാഥ ക്ഷേത്രം ആക്രമിച്ച് തകര്‍ക്കും,’ എന്നായിരുന്നു സന്ദേശം. ഇതിനോടൊപ്പം നിരവധി ഫോണ്‍ നമ്പറുകളും ഉടന്‍ വിളിക്കൂ എന്നും കുറിച്ചുവെച്ചിരുന്നു. ഇതിന് പുറമെ ക്ഷേത്രത്തിലേക്കുള്ള ഹെറിട്ടേജ് കോറിഡോറിലെ അലങ്കാര വെളിച്ചങ്ങള്‍ […]