തിരുവനന്തപുരം: ലോകോത്തര നിലവാരത്തില് നിര്മിച്ച തലസ്ഥാനത്തെ ഏറ്റവും വലിയ സ്മാര്ട്ട് റോഡ് മുഖ്യമന്ത്രി പിണറായി വിജയൻ ഇന്ന് നാടിനു സമർപ്പിക്കും. സ്മാര്ട്ട് സിറ്റി പദ്ധതിയില് ഉള്പ്പെടുത്തിയാണ് ഈ റോഡിന്റെ നിർമ്മാണം. സംസ്ഥാനത്തിന്റെ എല്ലാ ഭാഗങ്ങളിലേക്കും സ്മാര്ട്ട് റോഡ് വ്യാപിപ്പിക്കാനാണ് സർക്കാർ ആലോചിക്കുന്നതെന്നും ലോകമാകെ ശ്റദ്ധിക്കുന്നക് തരത്തിലേക്ക് സ്മാര്ട്ട് റോഡുകളിലൂടെ തലസ്ഥാന നഗരി മാറുമെന്നും മന്ത്രി മുഹമ്മദ് റിയാസ് പറഞ്ഞു.
വൈദ്യുതി ലൈന് ഉള്പ്പടെ കേബിളുകള് ഭൂമിക്കടയിലൂടെയാണ് നഗരത്തിന്റെ ഭംഗി ഇല്ലാതാക്കുന്ന തരത്തിലുള്ള കേബിള് കൂട്ടമോ വൈദ്യുത പോസ്റ്റുകളോ ഇനി ഉണ്ടാവില്ല. രാത്രികാലങ്ങളില് എതിരെ വരുന്ന വാഹനങ്ങളുടെ ഹെഡ്ലൈറ്റ് കാഴ്ച മറയ്ക്കുന്നത് വലിയ അപകടങ്ങള്ക്ക് കാരണമാകാറുണ്ട് ഇത് പരിഹരിക്കുന്നതിനായി സ്മാര്ട്ട് റോഡുകളില് ആന്റി ഗ്ലെയര് മീഡിയനുകള് ഉപയോഗിച്ചിട്ടുണ്ട്. കാല്നടയാത്രക്കാര്ക്കായി വീതിയുള്ള നടപ്പാതകള്, സൈക്കിള് യാത്രികര്ക്കും പ്രത്യേക പരിഗണന നല്കി പച്ചനിറത്തില് അടയാളപ്പെടുത്തിയ സൈക്കിള് ട്രാക്കുകള് എന്നിവയുമുണ്ട്.
