റിയാദ്: സൗദിയില് വധശിക്ഷ റദ്ദ് ചെയ്ത കോഴിക്കോട് സ്വദേശി അബ്ദുല് റഹീമിന്റെ മോചനകാര്യത്തില് തീരുമാനമായില്ല. റഹീമിന്റെ മോചന ഹര്ജി ഇന്ന് കോടതി പരിഗണിച്ചെങ്കിലും തീരുമാനമെടുത്തില്ല. വധശിക്ഷ റദ്ദ് ചെയ്ത അതെ ബെഞ്ചാണ് വിധി പറയേണ്ടതെന്ന് ചീഫ് ജസ്റ്റീസിന്റെ ഓഫീസ് അറിയിക്കുകയായിരുന്നു. വിശദവിവരങ്ങള് പരിശോധിച്ച ശേഷം അക്കാര്യം തീരുമാനിക്കുമെന്നും അറിയിച്ചു.
റിയാദിലെ ജയിലിലാണ് അബ്ദുല് റഹീം. ഇന്ന് മോചന ഉത്തരവ് പ്രതീക്ഷിച്ചിരുന്നതായി റിയാദിലെ റഹീം സഹായ സമിതി ഭാരവാഹികള് പറഞ്ഞു. ഏത് ദിവസം സിറ്റിങ് ഉണ്ടാകുമെന്നും ഏത് ബെഞ്ചാണ് പരിഗണിക്കേണ്ടതെന്ന് നാളെ ചീഫ് ജഡ്ജ് അറിയിക്കും. വരും ദിവസങ്ങളില് തന്നെ മോചന ഉത്തരവുണ്ടാകുമെന്ന ശുഭപ്രതീക്ഷയിലാണ് സഹായ സമിതി ഭാരവാഹികള്.
