വടക്ക് പടിഞ്ഞാറന് ബംഗാള് ഉള്ക്കടലില് പുതിയ ന്യൂനമര്ദ്ദം 19-ന് രൂപപ്പെടാന് സാധ്യത.ബംഗാള് ഉള്ക്കടലില് രൂപപ്പെട്ട് ഒഡിഷക്ക് മുകളില് സ്ഥിതിചെയ്യുന്ന നിലവിലെ ന്യൂനമര്ദ്ദം ദുര്ബലമായതിനു ശേഷം ഏകദേശം ജൂലൈ 19 ന് വടക്ക് പടിഞ്ഞാറന് ബംഗാള് ഉള്ക്കടലില് വീണ്ടും പുതിയൊരു ന്യൂനമര്ദ്ദം രൂപപ്പെടാനാണ് സാധ്യതയെന്ന് കേന്ദ്ര കാലാവസ്ഥാ വകുപ്പും ദുരന്ത നിവാരണ അതോറിറ്റിയും അറിയിച്ചു.
ഈ ന്യൂനമര്ദ്ദത്തിന്റെ ഫലമായി ഈ സമയത്തു അറബിക്കടലിലെ കാലവര്ഷക്കാറ്റ് സജീവമായി തന്നെ തുടരാനും കേരളത്തില് വ്യാപകമായ മഴക്കും സാധ്യതയുണ്ടെന്നാണ് അറിയിപ്പ്. കേന്ദ്ര കാലാവസ്ഥ വകുപ്പിന്റെ ഏറ്റവും പുതിയ കാലാവസ്ഥ പ്രവചന പ്രകാരം ബംഗാള് ഉള്ക്കടലില് രൂപപ്പെടുന്ന ന്യൂനമര്ദ്ദം ശക്തിയാര്ജിച്ച് വടക്കോട്ട് സഞ്ചരിക്കാന് സാധ്യതയുള്ളതിനാല് ഈ സമയങ്ങളില് വടക്കന് കേരളത്തില് കൂടുതല് മഴ ലഭിക്കാനിടയുണ്ട്.
