മലപ്പുറം: കാണാതായ തിരൂര് ഡെപ്യൂട്ടി തഹസില്ദാര് ചാലിബിന്റെ ഫോണ് ഓണായി. രാവിലെ ഭാര്യയുടെ ഫോണ് കോള് എടുത്ത ചാലിബ് കര്ണാടകയിലെ ബസ് സ്റ്റാന്റിലാണുളളതെന്നും മാനസിക പ്രയാസം മൂലമാണ് മാറി നിന്നതെന്നും പറഞ്ഞു. കൂടെ ആരുമില്ലെന്നും ഉടന് തന്നെ വീട്ടിലേക്ക് മടങ്ങി വരാമെന്ന് ഭാര്യയ്ക്ക് ഉറപ്പും നല്കിയിട്ടുണ്ട്. 38 മണിക്കൂറിന് ശേഷമാണ് ചാലിബിന്റെ ഫോണ് ഓണായത്.
തിരൂര് മാങ്ങാട്ടിരി സ്വദേശി ചാലിബ് പി ബിയെയാണ് ബുധനാഴ്ച്ച വൈകിട്ട് മുതല് കാണാതായത്. മൊബൈല് ടവര് ലൊക്കേഷന് കര്ണാടകയിലെ ഉഡുപ്പി കാണിക്കുന്നതിനാല് അന്വേഷണം കര്ണാടകയിലേക്കും വ്യാപിപ്പിച്ചിരുന്നു. വൈകീട്ട് ഓഫീസില് നിന്നും ഇറങ്ങിയ ശേഷം വൈകുമെന്ന വിവരം വീട്ടുകാര്ക്ക് നില്കിരുന്നു. ഏറെ സമയം കഴിഞ്ഞിട്ടും കാണാതായതിനെ തുടര്ന്നാണ് വീട്ടുകാര് തിരൂര് പൊലീസില് പരാതി നല്കിയത്.
