തിരുവനന്തപുരം: സംസ്ഥാനത്തിന്റെ വിവിധ ഭാഗങ്ങളില് കടല്ക്ഷോഭം രൂക്ഷമായി തുടരുന്നു. കൊല്ലത്തും കണ്ണൂരിലും ആലപ്പുഴയിലും തീരമേഖലയില് ജാഗ്രത നിര്ദേശമുണ്ട്. തീരപ്രദേശങ്ങളിലെ നിരവധി വീടുകളില് വെള്ളം കയറി. ബീച്ചുകളില് സന്ദര്ശകര്ക്ക് നിയന്ത്രണമേര്പ്പെടുത്തി. സംസ്ഥാനത്ത് പരക്കെ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. പലയിടത്തും ആളുകളെ സുരക്ഷിത സ്ഥാനങ്ങളിലേക്ക് മാറ്റി.
വടക്കുകിഴക്കന് മണ്സൂണ് കാലം തുടങ്ങിയതോടെ കേരളത്തിലും വിവിധ ജില്ലകളില് ഓറഞ്ച് യെല്ലോ അലര്ട്ട് പ്രഖ്യാപിച്ചിരുന്നു. തിരുവനന്തപുരം, കൊല്ലം എന്നീ ജില്ലകള് ഒഴികെയുള്ള 12 ജില്ലകളില് യെല്ലോ അലര്ട്ടാണ് പ്രഖ്യാപിച്ചിട്ടുള്ളത്. അതേസമയം, മലപ്പുറത്തെയും കണ്ണൂരിലെയും ഓറഞ്ച് അലര്ട്ട് മുന്നറിയിപ്പ് പിന്വലിച്ചു.
