ലോസ് ഏഞ്ചലസ്: ഗ്രൂപ്പ് ഡിയിലെ അവസാന മത്സരത്തിൽ അമേരിക്കയെ 3-2ന് പരാജയപ്പെടുത്തി തുർക്കി. ലോകകപ്പിൽ നിന്ന് പുറത്തായെങ്കിലും ശക്തമായ പ്രകടനമാണ് തുർക്കി പുറത്തെടുത്തത്.
മത്സരത്തിന്റെ മൂന്നാം മിനിറ്റിൽ തന്നെ ഓസ്റ്റൻ ട്രസ്റ്റിയുടെ ഗോളിലൂടെ അമേരിക്ക മുന്നിലെത്തി. എന്നാൽ ഓർകുൻ കോക്ചു, യുവതാരം ആർദ ഗുലർ എന്നിവരുടെ ഗോളുകളിലൂടെ തുർക്കി തിരിച്ചടിച്ചു. തുടർന്ന് 31-ാം മിനിറ്റിൽ ആൽപർ യിൽമാസ് ഗോൾ നേടി ലീഡ് 2-1 ആയി ഉയർത്തി.
രണ്ടാം പകുതിയിൽ സെബാസ്റ്റ്യൻ ബെർഹാൾട്ടറുടെ ഗോളിലൂടെ അമേരിക്ക സമനില പിടിച്ചെങ്കിലും, കളി അവസാനിക്കാൻ സെക്കൻഡുകൾ ബാക്കി നിൽക്കെ കയാൻ അയ്ഹാൻ നേടിയ നിർണായക ഗോളിലൂടെ തുർക്കി വിജയം ഉറപ്പിച്ചു. തോറ്റെങ്കിലും അമേരിക്കയാണ് ഗ്രൂപ്പ് ചാമ്പ്യന്മാർ. നോക്കൗട്ടിൽ ബോസ്നിയയെ നേരിടും.
ഈ ലോകകപ്പിൽ തുർക്കി താരം ആർദ ഗുലറിന്റെ ആദ്യ ഗോൾ കൂടിയായിരുന്നു ഇന്നത്തെത്. 21-കാരനായ റയൽ മാഡ്രിഡ് താരം ഏറെ പ്രതീക്ഷയോടെ ശ്രദ്ധിക്കപ്പെട്ടിരുന്നെങ്കിലും, ആദ്യ രണ്ട് മത്സരങ്ങളിൽ തോറ്റതോടെ തുർക്കി ഗ്രൂപ്പ് ഘട്ടത്തിൽ തന്നെ പുറത്തായി.
മറ്റൊരു മത്സരത്തിൽ ഓസ്ട്രേലിയയും പരാഗ്വേയും ഗോൾരഹിത സമനിലയിൽ പിരിഞ്ഞു. ഇരുടീമുകൾക്കും അവസരങ്ങൾ ലഭിച്ചെങ്കിലും ഗോൾ നേടാൻ സാധിച്ചില്ല.
മൂന്നു മത്സരങ്ങളിൽ നിന്ന് ഏഴ് പോയിന്റുമായി അമേരിക്ക ഗ്രൂപ്പ് ചാമ്പ്യന്മാരായി നോക്കൗട്ട് യോഗ്യത ഉറപ്പാക്കി.
