മലപ്പുറം: വഴിക്കടവ് പഞ്ചായത്തിൽ യുഡിഎഫ് ത്രിണമൂൽ കോൺഗ്രസ് സീറ്റ് ധാരണ ചർച്ച പരാജയപ്പെട്ടു . വഴിക്കടവിൽ നാല് സീറ്റുകളാണ് ടിഎംസി ആവശ്യപ്പെട്ടത്. രണ്ട് സീറ്റുകൾ നൽകാൻ യുഡിഎഫ് തീരുമാനിച്ചു. എന്നാൽ മരുത മേഖലയിലെ വാർഡ് 3 വെണ്ടക്കാപൊട്ടി വാർഡ് കൂടി ടി എം സി ആവശ്യപ്പെട്ടു . ഇതിനെ തൊട്ടാണ് സീറ്റ് ധാരണ പരാജയപ്പെട്ടത്.
ഇതോടെ പഞ്ചായത്തിലെ 15 വാർഡുകളിലും രണ്ട് ബ്ലോക്ക് ഡിവിഷനുകളിലും ടിഎംസി സ്ഥാനാർത്ഥികളെ നിർത്താൻ തീരുമാനിച്ചു. കഴിഞ്ഞ ദിവസം ചേർന്ന ടിഎംസി പഞ്ചായത്ത് തല ഭാരവാഹികളുടെ യോഗത്തിലാണ് സ്ഥാനാർത്ഥികളെ നിർത്താൻ തീരുമാനിച്ചത് വഴിക്കടവ്,മണിമൂളി ബ്ലോക്ക് ഡിവിഷനുകളിലാണ് സ്ഥാനാർത്ഥികളെ നിർത്തുക.
വഴിക്കടവ് പഞ്ചായത്തിലെ 1 വാർഡ് തണ്ണിക്കടവ്, 3വാർഡ് വെണ്ടക്കപൊട്ടി, 4വാർഡ് വേങ്ങാപാടം, 5 വാർഡ് മാങ്കര, 6വാർഡ് കമ്പളക്കല്ല് , 7വാർഡ് വള്ളിക്കാട്, 8വാർഡ് മണൽപാടം, 9വാർഡ് കാരക്കോട്, 11വാർഡ് വഴിക്കടവ് ,16വാർഡ് പാലാട്, 17 വാർഡ് മുണ്ട, 19 വാർഡ് ശങ്കുണ്ണിപ്പൊട്ടി, 21വാർഡ് നരി വില മുണ്ട, 23 വാർഡ് മെക്കോരവ, 24 വാർഡ് കുന്നുമ്മൽ പൊട്ടി എന്നിവിടങ്ങളിലാണ് സ്ഥാനാർത്ഥികൾ മത്സരിക്കുന്നത്
