കോഴിക്കോട്: ത്രിതല പഞ്ചായത്ത് തെരഞ്ഞെടുപ്പിലും ആറുമാസങ്ങൾക്ക് ശേഷം നടക്കാനിരിക്കുന്ന നിയമസഭ തെരഞ്ഞെടുപ്പിലും ഐക്യ ജനാധിപത്യമുന്നണി മികച്ച വിജയം നേടുമെന്ന് പ്രതിപക്ഷ ഉപ നേതാവ് പി കെ കുഞ്ഞാലിക്കുട്ടി. ആരോഗ്യരംഗത്തും വിദ്യാഭ്യാസരംഗത്തും കേരളം വലിയ തകർച്ചയിലേക്കാണ് പോയിക്കൊണ്ടിരിക്കുന്നത്. ജനജീവിതം ദുസഹമായി കൊണ്ടിരിക്കുന്നു. സാമ്പത്തിക രംഗത്ത് തകർച്ച നേരിടുമ്പോൾ കേരളത്തെ കൊടുവള്ളി മുനിസിപ്പൽ യുഡിഎഫ് കമ്മിറ്റിയുടെ തെരഞ്ഞെടുപ്പ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പരിപാടിയിൽ മുസ്ലിം ലീഗ് ജില്ലാ പ്രസിഡണ്ട് എം എ റസാക്ക് മാസ്റ്റർ, സംസ്ഥാന സെക്രട്ടറിയേറ്റ് അംഗം വി എം ഉമർ മാസ്റ്റർ, മജീദ് മാസ്റ്റർ, വെള്ളറ അബ്ദു, നസീഫ് എം, കെ കെ കാദർ മാസ്റ്റർ തുടങ്ങിയവർ സംസാരിച്ചു. കൊടുവള്ളി മുനിസിപ്പാലിറ്റിയിലേക്ക് ജനവിധി തേടുന്ന യുഡിഎഫ് സ്ഥാനാർത്ഥികളെ പരിപാടിയിൽ പരിചയപ്പെടുത്തി.
