കേന്ദ്രമന്ത്രി കിരണ് റിജിജു ഇന്ന് മുനമ്പം സമരപ്പന്തലില് എത്തും. മുനമ്പം ഭൂസംരക്ഷണ സമിതി നേതാക്കളുമായി കൂടിക്കാഴ്ച നടത്തും. എന്ഡിഎ സംഘടിപ്പിക്കുന്ന അഭിനന്ദന് സഭ എന്ന പരിപാടിയില് പങ്കെടുക്കാനാണ് കിരണ് റിജിജു കേരളത്തിൽ എത്തുന്നത്. ഈ മാസം ഒന്പതിന് മുനമ്പത്ത് എത്തും എന്ന് അറിയിച്ചിരുന്നെങ്കിലും നേരത്തെ നിശ്ചയിച്ച പരിപാടികള് ഉള്ളതിനാല് ഇന്നത്തേക്ക് സന്ദര്ശനം മാറ്റുകയായിരന്നു.
മന്ത്രിക്കൊപ്പം ബിജെപി കേന്ദ്ര-സംസ്ഥാന നേതാക്കളും ഉണ്ടാകും. 11.20 ന് നെടുമ്പാശേരി വിമാനത്താവളത്തില് എത്തുന്ന മന്ത്രി വരാപ്പുഴ അതിരൂപത ആസ്ഥാനത്തെത്തി മേജര് ആര്ച്ച് ബിഷപ്പ് ഡോ.ജോസഫ് കളത്തിപറമ്പിലുമായി കൂടിക്കാഴ്ച നടത്തും. എറണാകുളം താജ് വിവാന്തയിലെ വാര്ത്ത സമ്മേളനത്തിനുശേഷം അഞ്ചുമണിയോടുകൂടിയായിരിക്കും മുനമ്പം സമരപ്പന്തലില് മന്ത്രി എത്തുക. വഖഫ് നിയമ ഭേദഗതി പ്രാബല്യത്തില് വന്നതോടെ മുനമ്പം നിവാസികളായ 50 ഓളം പേര് ബിജെപിയില് ചേര്ന്നിരുന്നു.
