കൊല്ലം: ഷാർജയിൽ ഷാര്ജയില് ഒന്നരവയസുകാരിയായ മകളെ കൊലപ്പെടുത്തി മലയാളി യുവതി ജീവനൊടുക്കിയ സംഭവത്തിൽ കേസെടുത്ത് പൊലീസ്. മരണപ്പെട്ട വിപഞ്ചികയുടെ ഭാർത്താവ് ഭര്ത്താവ് നിധീഷ്, ഭര്ത്താവിന്റെ സഹോദരി, ഭര്തൃപിതാവ് എന്നിവര്ക്കെതിരെയാണ് കുണ്ടറ പൊലീസ് കേസെടുത്തത്.
വിപഞ്ചികയുടെ അമ്മ ശൈലജയുടെ പരാതിയിലാണ് നടപടി. മൂവർക്കുമെതിരെ ആത്മഹത്യാ പ്രേരണ കുറ്റത്തിനാണ് കേസെടുത്തത്. മൂന്ന് പേരും ഷാര്ജയിലായതിനാല് നാട്ടിലെത്തിയാലാണ് അറസ്റ്റ് നടക്കുക. എഫ്ഐആറിന്റെ പകര്പ്പ് റിപ്പോര്ട്ടറിന് ലഭിച്ചു.
വിവാഹത്തിന് സ്ത്രീധനം വാങ്ങിയതിന് സ്ത്രീധന നിരോധന നിയമപ്രകാരവും കേസ് എടുത്തിട്ടുണ്ട്. സ്ത്രീധനത്തിന്റെ പേര് പറഞ്ഞ് മാനസികമായി പീഡിപ്പിച്ചെന്നും എഫ്ഐആറിലുണ്ട്. ഇക്കഴിഞ്ഞ ചൊവ്വാഴ്ച രാത്രിയായിരുന്നു കൊല്ലം സ്വദേശിനി വിപഞ്ചികയെയും മകള് വൈഭവിയെയും അല് നഹ്ദയിലെ താമസസ്ഥലത്ത് മരിച്ച നിലയില് കണ്ടെത്തിയത്.
