ബെംഗളൂരു: ഇന്ത്യന് പ്രീമിയര് ലീഗില് ഒരു ടീമിനെതിരെ ഏറ്റവും കൂടുതൽ റൺസ് നേടുന്ന താരമെന്ന റെക്കോർഡ് സ്വന്തമാക്കിയിരിക്കുകയാണ് വിരാട് കോഹ്ലി. ചെന്നൈയ്ക്കെതിരെ മുപ്പത്തിയാറാം മത്സരത്തിന് ഇറങ്ങിയ കോലിക്ക് ആകെ 1174 റണ്സായി. 18 പന്തില് 28 റണ്സാണ് കോലി മത്സരത്തില് നേടിയത്. കൊല്ക്കത്തയ്ക്കെതിരെ 36 കളിയില് 1161 റണ്സ് നേടിയ മുംബൈ ഇന്ത്യന്സ് താരം രോഹിത് ശര്മ്മയുടെ റെക്കോര്ഡാണ് കോലി മറികടന്നത്.
ഐപിഎല്ലില് 8 സെഞ്ചുറികള് കോലിയുടെ പേരിലുണ്ടെങ്കിലും ചെന്നൈക്കെതിരെ ഇതുവരെ മൂന്നക്കം കടക്കാന് അദ്ദേഹത്തിന് സാധിച്ചിട്ടില്ല. ചിന്നസ്വാമി സ്റ്റേഡിയത്തില് നടന്ന സൂപ്പര് സണ്ഡേ പോരാട്ടത്തില് റോയല് ചലഞ്ചേഴ്സ് ബെംഗളൂരു ചെന്നൈയെ 43 റണ്സിന് തകര്ത്ത് തുടര്ച്ചയായ രണ്ടാം ജയം നേടി.ഐപിഎല്ലില് ആദ്യമായാണ് സീസണിലെ ആദ്യ 3 കളികളും ചെന്നൈ തോല്ക്കുന്നത്. തോല്വിയോടെ ചെന്നൈ പോയന്റ് പട്ടികയില് അവസാന സ്ഥാനത്ത് തുടരുമ്പോള് രണ്ടാം ജയത്തോടെ ആര്സിബി ഒന്നാം സ്ഥാനത്തേക്ക് കയറി.
