വഖഫ് നിയമ ഭേദഗതി ബിൽ നാളെ ലോക്സഭയില് അവതരിപ്പിക്കും. നാളെ ഉച്ചയ്ക്ക് 12 മണിക്കാണ് ബിൽ സഭയിൽ അവതരിപ്പിക്കുക. ശേഷം ബില്ലിന്മേൽ എട്ട് മണിക്കൂർ ചർച്ച നടക്കും. എന്നാൽ 12 മണിക്കൂർ ചർച്ച ചെയ്യണമെന്നും മണിപ്പൂർ വിഷയത്തെ ഉൾപ്പടെയുള്ള വിഷയങ്ങളിൽ സഭയ്ക്കുള്ളിൽ ചർച്ചചെയ്യണമെന്ന പ്രതിപക്ഷത്തിന്റെ ആവശ്യം തള്ളി.
ഇതിനുപിന്നാലെ കാര്യോപദേശക സമിതി യോഗം പ്രതിപക്ഷം ബഹിഷ്കരിച്ചു. എല്ലാ എംപിമാർക്കും വിപ്പ് നൽകാൻ തീരുമാനിച്ചിരിക്കുകയാണ് ബിജെപി. പ്രകോപനപരമായ ഒരു മറുപടിയും ഉണ്ടാകരുതെന്ന് ഇതിനോടകം നിർദേശം നൽകിയിട്ടുണ്ട്.
