ബെംഗളൂരു: ബംഗളൂരുവിൽ കനത്ത മഴയിൽ ഒരു മരണം. മഴയിൽ മതിൽ തകർന്ന് വീണ് സ്ത്രീ മരിച്ചു. മഹാദേവപുര ചന്നസന്ദ്ര സ്വദേശി ശശികലയാണ് മരിച്ചത്. വീടിന്റെ മതിൽ ഇടിഞ്ഞു ശശികലയുടെ ദേഹത്തേക്ക് പതിക്കുകയായിരുന്നു.
കനത്ത മഴയിൽ നഗരത്തിൽ വലിയ നാശനഷ്ട്ടമുണ്ടായി. നഗരത്തിന്റെ പല ഭാഗത്തും വെള്ളക്കെട്ട് രൂപപ്പെട്ടിരുന്നു. പ്രധാനപ്പെട്ട റോഡുകളും വെള്ളത്തിൽ മുങ്ങിയിരുന്നു. അഞ്ച് മണി മുതൽ രണ്ട് മണി വരെ മഴ നീണ്ടു നിന്നു.






