ഡല്ഹി: കേരളം ഉള്പ്പെടെ 20 സംസ്ഥാനങ്ങളില് അടുത്ത അഞ്ച് ദിവസങ്ങളില് ശക്തമായതോ അതിശക്തമായതോ ആയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. കേരളത്തില് ഇന്ന് പത്തനംതിട്ട, എറണാകുളം, ഇടുക്കി, പാലക്കാട്, മലപ്പുറം ജില്ലകളില് യെല്ലോ അലര്ട്ടാണ്. അതേസമയം വടക്കേ ഇന്ത്യയിലെ വിവിധ സംസ്ഥാനങ്ങളില് ശക്തമായതോ അതിശക്തമായതോ ആയ മഴയ്ക്ക് സാധ്യതയുണ്ട്. ഹിമാചല് പ്രദേശ്, ഉത്തരാഖണ്ഡ്, പഞ്ചാബ്, ഹരിയാന, ദില്ലി, രാജസ്ഥാന് തുടങ്ങിയ സംസ്ഥാനങ്ങളിലാണ് കാലാവസ്ഥാ കേന്ദ്രത്തിന്റെ മുന്നറിയിപ്പ്. മഴയ്ക്കൊപ്പം ഇടിമിന്നലിനും ശക്തമായ കാറ്റിനും സാധ്യതയുണ്ട്.
കേരളത്തില് ഇന്ന് അഞ്ച് ജില്ലകളിലാണ് യെല്ലോ അലര്ട്ടുള്ളത്. 40 കിലോ മീറ്റര് വരെ വേഗതയില് കാറ്റിനും ഇടിമിന്നലിനും സാധ്യതയുണ്ട്. മാഹിയിലും ശക്തമായ മഴയ്ക്ക് സാധ്യതയുണ്ട്. തമിഴ്നാട്ടില് ഇന്നും നാളെയുമാണ് മഴ മുന്നറിയിപ്പുള്ളത്. കര്ണാടകയില് ഇന്ന് ശക്തമായ മഴയ്ക്ക് സാധ്യതയുണ്ട്. ആന്ധ്രയിലും തെലങ്കാനയിലും ഇന്ന് മുതല് 13 വരെ ശക്തമായ മഴയ്ക്ക് സാധ്യതയുണ്ട്.
