പത്തനംതിട്ട: പത്തനംതിട്ട കൂരമ്പാലയിൽa യുവാവിനെ എം.ഡി.എം.എയുമായി ഡാൻസാഫ് സംഘവും പന്തളം പൊലീസും ചേർന്ന് പിടികൂടി. ആലപ്പുഴ തൃക്കുന്നപ്പുഴ പല്ലന നെടുംപറമ്പില് അനി (35) ആണ് കൂരമ്പാലയിലെ മാധവി പലചരക്കു പൂജ സാധനങ്ങള് വില്ക്കുന്ന കടയില് നിന്നാണ് ഇയാളെ കസ്റ്റഡിയിലെടുത്തത്.
പാക്കറ്റുകളാക്കി ആവശ്യക്കാരെ വിളച്ചുവരുത്തി വില്ക്കുകയായിരുന്നു. കടയുടമ പ്രദീപിന്റെ ബന്ധുവാണ്. ഇയാളുടെ പക്കല്നിന്നും മൂന്ന് ഗ്രാമോളം എം.ഡി.എം.എ കണ്ടെടുത്തു. പ്രതിയെ വിശദമായി ചോദ്യം ചെയ്തു. മാസങ്ങളായി ലഹരി മരുന്ന് കച്ചവടം ചെയ്യുന്നതായി ഇയാള് സമ്മതിച്ചു.
രാവിലെ ബന്ധുവിനൊപ്പം കടയിലിരിക്കുന്ന ഇയാള് ബന്ധു വീട്ടില് പോകുന്ന സമയം നോക്കി സി.സി.ടി.വി ഓഫാക്കും. തുടർന്ന് ആവശ്യക്കാരെ വിളിച്ചുവരുത്തി ലഹരിമരുന്ന് കൈമാറും. ബന്ധു തിരികെ വരുമ്പോ lഴേക്കും സി.സി.ടി.വി ഓണാക്കുകകയും ചെയ്യും. ഇതായിരുന്നു കച്ചവട രീതി. പന്തളം പൊലീസ് തുടർനടപടികള് സ്വീകരിച്ചു. ജില്ല പൊലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് യുവാവ് കുടുങ്ങിയത്.
