ന്യൂ ഡൽഹി: ഷെയ്ഖ് ഹസീനയെ അടിയന്തരമായി മടക്കി അയക്കണം എന്ന ബംഗ്ലാദേശിന്റെ ആവശ്യത്തിൽ മറുപടി നൽകാതെ ഇന്ത്യ. ബംഗ്ലാദേശ് മുന് പ്രധാനമന്ത്രി ഷെയ്ഖ് ഹസീനയെ അടിയന്തരമായി മടക്കി അയക്കണമെന്ന ആവശ്യത്തിൽ നിലവിൽ പ്രതികരിക്കുന്നില്ലെന്ന് ഇന്ത്യ വ്യക്തമാക്കിയതായി ദേശീയ മാധ്യമങ്ങൾ റിപ്പോർട്ട് ചെയ്തു.
ബംഗ്ലാദേശ് കലാപവുമായി ബന്ധപ്പെട്ടുണ്ടായ കൂട്ടക്കൊലയില് ഹസീന വിചാരണ നേരിടണമെന്നാണ് ഇടക്കാല സര്ക്കാരിന്റെ നിലപാട്. ഷെയ്ഖ് ഹസീന കഴിഞ്ഞ ഓഗസ്റ്റ് അഞ്ച് മുതല് ഇന്ത്യയില് അഭയം തേടിയിരിക്കുകയാണ്. വിദ്യാര്ത്ഥി പ്രക്ഷോഭത്തെ തുടര്ന്നുണ്ടായ കലാപത്തില് സര്ക്കാര് വീണതോടെയാണ് ഷെയ്ഖ് ഹസീനക്ക് ഇന്ത്യ അഭയം നൽകിയത്. പ്രക്ഷോഭത്തെ തുടര്ന്നുണ്ടായ കൂട്ടക്കൊലയില് മുന് പ്രധാനമന്ത്രിക്കും, മന്ത്രിസഭാംഗങ്ങള്ക്കും പങ്കുണ്ടെന്നാണ് ഇടക്കാല സര്ക്കാരിന്റെ നിലപാട്. ഇന്ത്യയിലുണ്ടെങ്കിലും ഷെയ്ഖ് ഹസീനയുടെ ഒരു വിവരവും നിലവിൽ സര്ക്കാര് പുറത്ത് വിട്ടിട്ടില്ല.
