പാലക്കാട്: ഒറ്റപ്പാലം കണ്ണിയംപുറത്തെ വീട്ടിൽ പണം വെച്ച് ചീട്ടുകളി നടത്തിയ 24 പേരെ ഒറ്റപ്പാലം പൊലീസ് അറസ്റ്റ് ചെയ്തു. ഇവരിൽ വീട്ടുടമയും ഉൾപ്പെടുന്നു. അറസ്റ്റിലായവരിൽനിന്ന് ചീട്ടുകാട്ടിൽ ഉപയോഗിച്ച 25,000 രൂപ, പണമിടപാടിന് ഉപയോഗിച്ച ടോക്കണുകൾ എന്നിവ പിടിച്ചെടുത്തു.

കൂടാതെ, സംഭവസ്ഥലത്ത് ഉണ്ടായിരുന്ന 6 കാറുകളും പൊലീസ് കസ്റ്റഡിയിലെടുത്തു. അറസ്റ്റിലായവർ ഒറ്റപ്പാലം, വാണിയംകുളം, ഓങ്ങല്ലൂർ, വാടാനംകുറുശ്ശി, ചെറുതുരുത്തി എന്നിവിടങ്ങളിലുള്ളവരായതായാണ് പോലീസ് വ്യക്തമാക്കിയത്. നിയമനടപടികൾ പൂർത്തിയാക്കി ഇവരെ കോടതിയിൽ ഹാജരാക്കുമെന്ന് പൊലീസ് അറിയിച്ചു.