മുംബൈ: 54കാരനായ ഭർത്താവിനെ കോടാലിക്ക് വെട്ടിക്കൊലപ്പെടുത്തിയ 27കാരി. മുംബൈയിലെ സാംഗ്ലിയിലാണ് സംഭവം. രാധിക ഇംഗിൽ എന്ന യുവതിയാണ് അറസ്റ്റിലായത്. അനിൽ ലോഖണ്ഡെ എന്നയാളാണ് കൊല്ലപ്പെട്ടത്. വിവാഹം കഴിഞ്ഞ് മൂന്ന് ആഴ്ച മാത്രമായപ്പോഴാണ് കൊലപാതകം.
54കാരനുമായി ലൈംഗിക ബന്ധം പുലർത്താനുള്ള ഭയമാണ് കൊലപാതകത്തിലേക്ക് എത്തിച്ചതെന്നാണ് യുവതി വിശദമാക്കുന്നത്. മഴു കൊണ്ടുള്ള ആക്രമണമാണ് അനിൽ ലോഖണ്ഡെയുടെ മരണത്തിലേക്ക് നയിച്ചത്. കൊലപാതകത്തിന് പിന്നാലെ യുവതി തന്നെയാണ് ബന്ധുക്കളെ വിളിച്ച് വിവരം അറിയിച്ചത്.
ക്യാൻസർ ബാധിച്ച് ആദ്യ ഭാര്യ മരിച്ചതിന് പിന്നാലെയാണ് 54കാരൻ 27കാരിയെ വിവാഹം ചെയ്തത്. ഗർഭിണിയാവില്ലെന്ന രോഗാവസ്ഥ യുവതിക്കുണ്ടെന്ന വിവരം അറിഞ്ഞ ശേഷമായിരുന്നു 54കാരനുമായുള്ള യുവതിയുടെ വിവാഹം. ലൈംഗിക ബന്ധത്തിന് ഭർത്താവ് സമ്മർദ്ദം ഉയർത്തിയതോടെയാണ് രാധിക അനിലിനെ മഴു കൊണ്ട് തലക്കടിച്ച് കൊലപ്പെടുത്തിയത്.
