കോട്ടയം: അച്ഛനെ കോടാലി കൊണ്ട് വെട്ടിക്കൊന്ന കേസില് അമ്മയ്ക്കെതിരെ മകന്റെ മൊഴി. പുതുപ്പള്ളി മാത്യു കൊലക്കേസിന്റെ വിചാരണയ്ക്കിടെയാണ്, മാത്യുവിനെ അമ്മ റോസന്ന കൊലപ്പെടുത്തുന്നതു കണ്ടെന്നു ഒന്പതാം ക്ലാസുകാരനായ മകന് കോടതിയില് മൊഴി നല്കിയത്. കേസ് 21നു കോടതി വീണ്ടും പരിഗണിക്കും.
അഡിഷനല് ഡിസ്ട്രിക്ട് കോടതിയില് (2) ആണു കേസ്. 2021 ഡിസംബര് 14ന് ആയിരുന്നു സംഭവം. പുതുപ്പള്ളി പെരുങ്കാവ് പടനിലത്ത് കൊച്ച് എന്ന മാത്യു ഏബ്രഹാം (48) ആണു കൊല്ലപ്പെട്ടത്. ഭാര്യ റോസന്ന (45) ആണു മാത്യൂ ഏബ്രഹാമിനെ കൊലപ്പെടുത്തിയത്.
പ്രായപൂര്ത്തിയാകാത്ത മകന്റെ മുന്നിലിട്ടാണ് മാത്യുവിനെ കൊലപ്പെടുത്തിയത്. ശിശുസംരക്ഷണ സമിതിയുടെ മേല്നോട്ടത്തിലായിരുന്ന കുട്ടിയെ ബന്ധുക്കളാണ് ഇപ്പോള് സംരക്ഷിക്കുന്നത്. പ്രോസിക്യൂഷനുവേണ്ടി അഡിഷനല് പബ്ലിക് പ്രോസിക്യൂട്ടര് സിറില് തോമസ് പാറപ്പുറം ഹാജരായി.
