ന്യൂഡൽഹി: ഓപ്പറേഷൻ സിന്ദൂർ അവസാനിച്ചിട്ടില്ലെന്ന് വ്യോമസേന അറിയിച്ചു. ഊഹാപോഹങ്ങളും വ്യാജവാര്ത്തകളും പ്രചരിപ്പിക്കുന്നതില് നിന്നും ജനങ്ങള് വിട്ടുനില്ക്കണമെന്നും വ്യോമസേന എക്സിലൂടെ അഭ്യര്ത്ഥിച്ചു. കൃത്യമായ വിവരങ്ങൾ വാർത്ത സമ്മേളനം നടത്തി അറിയിക്കും.
‘ഓപ്പറേഷന് സിന്ദൂരില് ഇന്ത്യന് വ്യോമസേനയോട് നിര്ദേശിക്കപ്പെട്ട ദൗത്യങ്ങള് കൃത്യതയോടെയും പ്രൊഫഷണലിസത്തോടെയും വിജയകരമായി നിര്വഹിച്ചു. ദേശീയ താല്പ്പര്യങ്ങള് മുന്നിര്ത്തി, തികഞ്ഞ ആസൂത്രണത്തോടെയും, രഹസ്യസ്വഭാവത്തോടെയും, വിവേകപൂര്ണ്ണവുമായ രീതിയിലാണ് വ്യോമസേന ചുമതലകള് പൂര്ത്തിയാക്കിയത്. ട്വീറ്റില് വിശദമാക്കുന്നു.
അതേസമയം, ഇന്ത്യ-പാക് വെടിനിർത്തലിന് പിന്നാലെ ഡല്ഹിയിൽ തിരക്കിട്ട ചർച്ചകളാണ് നടക്കുന്നത്. പ്രധാനമന്ത്രി നരേന്ദ്ര മോദി സാഹചര്യങ്ങൾ അവലോകനം ചെയ്തു. പ്രധാനമന്ത്രിയുടെ വസതിയിൽ ചേർന്ന ഉന്നതതല യോഗത്തിൽ സംയുക്തസേനാ മേധാവിയും മൂന്ന് സേനാ മേധാവികളും ദേശീയ സുരക്ഷാ ഉപദേഷ്ടാവ് അജിത് ഡോവലും പങ്കെടുത്തു. ഇന്ത്യ-പാക് ഡിജിഎംഒ തല ചർച്ച നാളെയാണ് നടക്കുക.
