ത്യശ്ശൂര്: ഹൈറിച്ച് മണി ചെയിന് തട്ടിപ്പ് കേസിലെ പ്രതി വീണ്ടും മണി ചെയിന് തട്ടിപ്പ് നടത്തിയതായി പരാതി. നെക്സ് വൈബ് എന്ന പേരില് പുതിയ മണി ചെയിന് തുടങ്ങി 68 കോടി രൂപയോളം തട്ടിയെടുത്തതായാണ് പരാതി. ഹൈറിച്ച് മണി ചെയിന് തട്ടിപ്പ് കേസിലെ പ്രതികളായ ജിനില് ജോസഫ്, അമ്പിളി എബ്രഹാം, ഫിജീഷ്, യഹിയാദ് എന്നിവര് ചേര്ന്നാണ് തട്ടിപ്പ് നടത്തിയത്. നിക്ഷേപിക്കുന്ന പണത്തിന്റെ പത്തിരട്ടി വാഗ്ദാനം ചെയ്താണ് പ്രതികള് തട്ടിപ്പ് നടത്തിയത്.
കേരളം കണ്ട ഏറ്റവും വലിയ മണിചെയിന് തട്ടിപ്പായിട്ടാണ് കേരള പൊലീസും ക്രൈം ബ്രാഞ്ചും, ഇഡിയും ഹൈറിച്ച് മണിചെയിന് തട്ടിപ്പിനെ വിലയിരുത്തുന്നത്. കമ്പനി ഉടമ കെ.ഡി. പ്രതാപന്, ഭാര്യ സീനാ പ്രതാപന്, ജിനില്, റിയാസ്, ദിനുരാജ്, ലക്ഷ്മണന്, ദിലീപ്, കനകരാജ്, സുരേഷ്ബാബു, പ്രശാന്ത് നായര്, ബഷീര്, അമ്പിളി, ഫിജീഷ്, ഷമീറ എന്നിവരാണ് കേസിലെ പ്രതികള്.
ഗ്രോസറി ഉത്പന്നങ്ങളുടെ വില്പ്പനയുടെ മറവിലാണ് ഇവര് മണിചെയിന് തട്ടിപ്പ് നടത്തിയിരുന്നത്. തട്ടിപ്പ് നടത്തുക എന്ന ഉദ്ദേശ്യത്തോടെ മാത്രമാണ് ‘ഹൈറിച്ച്’ തുടങ്ങിയത് എന്നാണ് ഇഡിയുടെ കുറ്റപത്രത്തില് പറയുന്നത്. വ്യക്തികളില് നിന്ന് പതിനായിരം രൂപ വെച്ച് വാങ്ങി ആകെ 1,630 കോടി രൂപ ഇവര് പിരിച്ചിട്ടുണ്ടെന്നാണ് തട്ടിയെടുത്തെന്നാണ് കണ്ടെത്തല്.
