വയനാട്: പൊഴുതന ടൗണില് കാട്ടാന ഇറങ്ങി. കാട്ടാനയുടെ ആക്രമണത്തില് നിന്ന് മൂന്ന് വിദ്യാര്ഥികള് തലനാരിഴയ്ക്ക് രക്ഷപ്പെട്ടു. ബുധനാഴ്ച രാത്രി 11 മണിയോടെയാണ് സംഭവം. റിഹാന്, റിസ്വാന്, സാബിര് എന്നീ വിദ്യാര്ഥികളാണ് ആനയുടെ ആക്രമണത്തില് നിന്ന് തലനാരിഴയ്ക്ക് രക്ഷപ്പെട്ടത്. മൂന്ന് പേരും പ്ലസ് ടു വിദ്യാര്ത്ഥികളാണ്.ആക്രമിക്കാനെത്തിയ ആനയുടെ മുന്നില് നിന്ന് ഇവര് ഓടി രക്ഷപ്പെടുകയായിരുന്നു. പൊഴുതന സ്കൂള് മുതല് വീട് വരെ കുട്ടികളെ ആന ഓടിച്ചു. വഴിയിലുണ്ടായിരുന്ന ഇരുചക്ര വാഹനങ്ങളടക്കം നശിപ്പിക്കുകയും ചെയ്തു.
ഭീതിയിലായ നാട്ടുകാർ വനം വകുപ്പിനെ വിവരം അറിയിച്ചു.
