അഹമ്മദാബാദ്: ഐപിഎല് സെമിഫൈനല് പോരാട്ടമായ രണ്ടാം ക്വാളി ഫയറിനായി ഇന്ന് മുംബൈ- പഞ്ചാബ് ടീമുകള് ഏറ്റുമുട്ടും. ഐപിഎല് കന്നിക്കിരീടം മോഹിച്ചെത്തി പഞ്ചാബ് ഇറങ്ങുമ്പോള് ആറാം കീരിടത്തിന് പ്രയഗ്നിക്കുകയാണ് മുംബൈ ഇന്ത്യൻസ്.
പോയിന്റ് ടേബിളില് ഒന്നാം സ്ഥാനാക്കാരായി പ്ലേ ഓഫില് കടന്നെങ്കിലും ഒന്നാം ക്വാളിഫയറില് ബംഗളരൂവിനോട് ദയനീയ പരാജയം പഞ്ചാബിന് നേരിടേണ്ടി വന്നു. മറുവശത്ത് നാലാം സ്ഥാനാക്കാരനായി പ്ലേ ഓഫില് കടന്ന് മുംബൈ കരുത്തരായ ഗുജറാത്തിനെ വീഴ്ത്തിയാണ് രണ്ടാം ക്വാളിഫയറിന് ടിക്കറ്റെടുത്തത്.
അഹമ്മദാബാദ് നരേന്ദ്രമോദി സ്റ്റേഡിയത്തില് ഇന്ന് രാത്രി ഏഴരയ്ക്കാണ് മത്സരം. സ്റ്റാര് സ്പോടര്ട്സ് ചാനലുകളിലും ജിയോ ഹോട്സ്റ്റാറിലും കാണാം. ഇന്നത്തെ വിജയികള് ജൂൺ മൂന്നിന് നടക്കുന്ന ഫൈനലില് റോയല് ചാലഞ്ചേഴ്സ് ബംഗളൂരുവിനെ നേരിടും.
