ന്യൂഡല്ഹി: ഇന്ഡ്യാ സഖ്യം വിട്ട് ആംആദ്മി പാര്ട്ടി. 2024 ല് ലോക്സാ തിരഞ്ഞെടുപ്പിന് വേണ്ടി മാത്രമായിരുന്നു സഖ്യമെന്നാണ് എഎപി വക്താവ് അനുരാഗ് ദണ്ഡ വ്യക്തമാക്കി. എക്സില് പങ്കുവെച്ച കുറിപ്പിലൂടെ അനുരാഗ് ദണ്ഡ കോണ്ഗ്രസിനെതിരെ രൂക്ഷ വിമര്ശനം ഉന്നയിച്ചു.
കോണ്ഗ്രസ് ബിജെപിയും തമ്മില് രഹസ്യ ധാരണയുണ്ടെന്നാണ് അനുരാഗ് ദണ്ഡ വിമർശനം ഉന്നയിച്ചത്. പ്രധാനമന്ത്രി നരേന്ദ്ര മോദിക്ക് രാഷ്ട്രീയ നേട്ടമുണ്ടാക്കാന് കഴിയുന്നത് മാത്രമാണ് കോണ്ഗ്രസ് നേതാവ് രാഹുല് ഗാന്ധി പറയുന്നതെന്ന് അനുരാഗ് ദണ്ഡ പറഞ്ഞു.
കോണ്ഗ്രസ് നേതാക്കളായ രാഹുല് ഗാന്ധിയേയും സോണിയ ഗാന്ധിയേയും കേസുകളില്പ്പെടാതെ മോദി രക്ഷിച്ചെടുക്കുകയാണെന്നും അദ്ദേഹം പറഞ്ഞു. ഈ നിലയില് രഹസ്യധാരണവെച്ച് പുലര്ത്തുന്ന കോണ്ഗ്രസുമായി ഇനി സഖ്യം വേണ്ട എന്നാണ് നിലപാടെന്നും അനുരാഗ് ദണ്ഡ വ്യക്തമാക്കി.
