നിലമ്പൂര് ഉപതിരഞ്ഞെടുപ്പിന്റെ പരസ്യപ്രചാരണം ചൊവ്വാഴ്ച അവസാനിക്കും. ബുധനാഴ്ച നിശബ്ദ വോട്ടഭ്യര്ഥനയാകും നടക്കുക. പുതിയ എംഎല്എയെ തീരുമാനിക്കാന് വ്യാഴാഴ്ച വോട്ടര്മാര് വിധിയെഴുതും. നിയമപ്രകാരം, വോട്ടെടുപ്പ് തുടങ്ങുന്നതിന് 48 മണിക്കൂര് മുന്പ് പരസ്യപ്രചാരണം അവസാനിപ്പിക്കണം.
ചൊവ്വാഴ്ച വൈകീട്ട് ആറിനാണ് പരസ്യപ്രചാരണത്തിന് അവസാനമാകുന്നത്. അതോടെ നിയമവിരുദ്ധമായ സംഘംചേരല്, പൊതുയോഗങ്ങള് സംഘടിപ്പിക്കല്, മൈക്ക് അനൗണ്സ്മെന്റ്, ഇലക്ട്രോണിക് മാധ്യമങ്ങളിലൂടെയുള്ള പ്രദര്ശനം, സംഗീതപരിപാടികളോ മറ്റു വിനോദപരിപാടികളോ സംഘടിപ്പിച്ച് പ്രചാരണം നടത്തല് തുടങ്ങിയവയ്ക്ക് വിലക്കുണ്ട്. ഈ സമയം അവസാനിച്ചയുടന് പ്രചാരണത്തിനായി പുറത്തുനിന്നെത്തിയ മുഴുവന് രാഷ്ട്രീയപ്രവര്ത്തകരും നേതാക്കളും മണ്ഡലം വിട്ടുപോകണമെന്ന് ജില്ലാ തിരഞ്ഞെടുപ്പ് ഓഫീസര്കൂടിയായ കളക്ടര് വി.ആര്. വിനോദ് അറിയിച്ചിട്ടുണ്ട്.
Content: Today’s Kottikalash in Nilambur; Advertising campaign will end today
