തിരുവനന്തപുരം: ഐഎഎസ് തലപ്പത്ത് അഴിച്ചുപണി,നാലു ജില്ലകളില് കലക്ടര്മാര് ഉള്പ്പെടെ, 25 ഉദ്യോഗസ്ഥര്ക്കു മാറ്റം.
ജി.പ്രിയങ്ക എറണാകുളം , എം.എസ്.മാധവിക്കുട്ടി പാലക്കാട് , ചേതന്കുമാര് മീണ കോട്ടയം, ഡോ.ദിനേശന് ചെറുവത്ത് ഇടുക്കി എന്നിവരാണു പുതുതായി ചുമതലയേറ്റ ജില്ലാ കലക്ടര്മാര്.
പൊതുവിദ്യാഭ്യാസ സെക്രട്ടറിയായി ഡോ.കെ.വാസുകിയെയും തൊഴില് വകുപ്പില് സ്പെഷല് സെക്രട്ടറിയായും എസ്.ഷാനവാസിനെയും നിയമിച്ചു. ഷീബാ ജോര്ജിനെ ആരോഗ്യവകുപ്പില് അഡിഷനല് സെക്രട്ടറിയായും ബി.അബ്ദുല്നാസറിനെ ന്യൂനപക്ഷ വകുപ്പ് അഡിഷനല് സെക്രട്ടറിയായും നിയമിച്ചു.
ഡോ.എസ്.ചിത്രയെ പൊതുവിദ്യാഭ്യാസ അഡിഷനല് സെക്രട്ടറിയായി നിയമിച്ചു. തദ്ദേശവകുപ്പ് ഓഫിസര് ഓണ് സ്പെഷല് ഡ്യൂട്ടി ചുമതലയും വഹിക്കും. എ.ഗീതയെ ഹൗസിങ് ബോര്ഡിന്റെയും നിര്മിതി കേന്ദ്രത്തിന്റെയും ഡയറക്ടര് ചുമതലയില് നിയമിച്ചു. ജെറോമിക് ജോര്ജിനെ തദ്ദേശവകുപ്പ് പ്രിന്സിപ്പല് ഡയറക്ടറായി നിയമിച്ചു. എന്.എസ്.കെ.ഉമേഷിനെ പൊതുവിദ്യാഭ്യാസ ഡയറക്ടറായി നിയമിച്ചു.
കേരള ഫിനാന്ഷ്യല് കോര്പറേഷന്റെ മാനേജിങ് ഡയറക്ടറുടെ ചുമതലയും വഹിക്കും. വി.വിഘ്നേശ്വരിയെ കൃഷിവകുപ്പ് അഡിഷനല് സെക്രട്ടറിയായി നിയമിച്ചു. ജോണ് വി.സാമുവലിനെ ജലഗതാഗത വകുപ്പ് ഡയറക്ടറായി നിയമിച്ചു. ഡല്ഹി കേരള ഹൗസ് റസിഡന്റ് കമ്മിഷണര് പുനീത് കുമാറിനെ തദ്ദേശ സ്വയംഭരണ വകുപ്പ് അഡിഷനല് ചീഫ് സെക്രട്ടറിയായി നിയമിച്ചു.
