സംസ്ഥാനത്ത് ഇന്ന് സ്വർണവിലയിൽ നേരിയ കുറവ്. പവന് 80 രൂപയാണ് കുറഞ്ഞത്. ഒരു പവന് സ്വര്ണത്തിന്റെ വില 79,480 രൂപയായി. ശനിയാഴ്ച 79,560 രൂപയായി ഉയര്ന്ന് സ്വര്ണവില പുതിയ ഉയരം കുറിച്ചിരുന്നു. ഗ്രാമിന് പത്തു രൂപ കുറഞ്ഞു. 9935 രൂപയാണ് ഒരു ഗ്രാം സ്വര്ണത്തിന്റെ വില.
കഴിഞ്ഞ മാസം എട്ടിന് 75,760 രൂപയായിരുന്നു സ്വര്ണവില. പിന്നീട് 20-ാം തീയതി വരെയുള്ള കാലയളവില് 2300 രൂപ താഴ്ന്ന ശേഷം തുടര്ന്നുള്ള ദിവസങ്ങളില് സ്വര്ണവില ഉയർന്നു. ഈ മാസം ആദ്യം 77,640 രൂപയായിരുന്നു സ്വര്ണവില. ഈ മാസത്തെ ഏറ്റവും കുറഞ്ഞ നിരക്ക് ഇതായിരുന്നു. പിന്നീടാണ് 79,000ലേക്ക് സ്വർണവില കുതിച്ചത്.
