പാലക്കാട്: പാലക്കാട് നഗരസഭാ അധ്യക്ഷ പ്രമീള ശശിധരന്റേത് ഗുരുതര വീഴ്ചയെന്ന് ബിജെപി. ഓഗസ്റ്റിലെ പരിപാടിയിൽ പങ്കെടുക്കരുത് എന്നാവശ്യപ്പെട്ട് രാഹുലിന് നഗരസഭ ഉപാധ്യക്ഷൻ അഡ്വ ഇ കൃഷ്ണദാസ് നൽകിയ കത്ത് പുറത്ത് വന്നു. രാഹുൽ മാങ്കൂട്ടത്തിൽ എംഎൽഎ പങ്കെടുക്കുന്ന പരിപാടികളിൽ നിന്ന് അകലം പാലിക്കണമെന്ന പാർട്ടി തീരുമാനം നിലനിൽക്കെ നഗരസഭ അധ്യക്ഷ ഇത് മറികടന്നത് പാർട്ടിക്കുള്ളിൽ വലിയ പ്രതിസന്ധിയാണ് ഉണ്ടാക്കിയിരിക്കുന്നത്. ഇന്നലെ നടന്ന റോഡ് ഉദ്ഘാടന പരിപാടിയിലാണ് രാഹുൽ മാങ്കൂട്ടത്തിലിനൊപ്പം ബിജെപി ചെയർപേഴ്സൺ പ്രമീള ശശിധരൻ പങ്കെടുത്തത്. രാഹുലിനെ പൊതു പരിപാടിയിൽ പങ്കെടുപ്പിക്കില്ലെന്നായിരുന്നു ബിജെപിയുടെ നിലപാട്.