ചെന്നൈ: മാധ്യമപ്രവര്ത്തകനോട് തട്ടിക്കയറി തമിഴ്നാട് ബിജെപി മുന് സംസ്ഥാന പ്രസിഡന്റ് കെ അണ്ണാമലൈ. കോയമ്പത്തൂര് ബലാത്സംഗക്കേസില് പ്രതികരണം ചോദിച്ച മാധ്യമപ്രവര്ത്തകനോടാണ് അണ്ണാമലൈ മോശമായി പ്രതികരിച്ചത്.
എനിക്ക് ആവശ്യമുള്ളപ്പോള് മാത്രമേ സംസാരിക്കൂ എന്നും ഞാന് നിങ്ങളുടെ കമ്പനിയില് ആണോ ജോലി ചെയുന്നത്? നിങ്ങള് എനിക്ക് ശമ്പളം തരുന്നുണ്ടോ എന്നൊക്കെയാണ് അണ്ണാമലൈ പ്രതികരിച്ചത്. കൂടാതെ നിങ്ങള് സൗജന്യമായി അല്ലല്ലോ പണിയെടുക്കുന്നത്. ശമ്പളം വാങ്ങുന്നില്ലേ? എന്നെ ഭീഷണിപ്പെടുത്തേണ്ട എന്നും അണ്ണാമലൈ പറഞ്ഞു.
വിഷയത്തില് അണ്ണാമലൈക്കെതിരെ ബിജെപി നടപടി എടുക്കണമെന്ന് ചെന്നൈ പ്രസ് ക്ലബ്ബ് ആവശ്യപ്പെട്ടു. അണ്ണാമലൈയുടെ വ്യക്തിപരമായ വിഷയങ്ങള് ഒന്നും മാധ്യമപ്രവര്ത്തകന് ചോദിച്ചിട്ടില്ല, പ്രതിപക്ഷത്തെ പ്രധാനനേതാവ് എന്ന നിലയിലാണ് പ്രതികരണം തേടിയത്. മാധ്യമപ്രവര്ത്തകനെ ഭീഷണിപ്പെടുത്തുന്നത് അംഗീകരിക്കാനാകില്ല എന്നും പ്രസ് ക്ലബ്ബ് വ്യക്തമാക്കി.
കോയമ്പത്തൂരില് എംബിഎ വിദ്യാര്ത്ഥിനിയെ കൂട്ടബലാത്സംഗം ചെയ്ത സംഭവത്തിലാണ് എഎന്ഐയുടെ മാധ്യമപ്രവര്ത്തകന് അണ്ണാമലൈയോട് പ്രതികരണം തേടിയത്.
