കോട്ടയം : മഹാദേവ ക്ഷേത്രത്തിലെ ചിറപ്പ് മണ്ഡപം യുദ്ധ കാല അടിസ്ഥാനത്തിൽ പുനഃ സ്ഥാപിക്കണമെന്ന് കേരള പ്രദേശ് ഗാന്ധിദർശൻ വേദി മണ്ഡലം കമ്മിറ്റി ആവശ്യപ്പെട്ടു. മണ്ഡലകാലം അടുത്തെത്തിയിട്ടും ചിറപ്പ് മണ്ഡപമോ, വിരിപ്പന്തലോ നിർമ്മിക്കാൻ അധികൃതർ തയാറാകാത്തതിൽ ഭക്തർ ആശങ്കയിലാണെന്നും ഏറ്റുമാനൂരിലെത്തുന്ന അയ്യപ്പ ഭക്തർക്ക് മികച്ച സൗകര്യങ്ങൾ ഒരുക്കണമെന്നും യോ ഗം ആവശ്യപ്പെട്ടു. ഗ്രാഷ്യസ് പോൾ അധ്യക്ഷത വഹിച്ചു. ജില്ലാ വൈസ് പ്രസിഡന്റ് വിഷ്ണു ചെമ്മുണ്ടവള്ളി ഉദ്ഘാടനം ചെയ്തു. അഖിൽ പിള്ള, ഹരികു മാർ, ഗോപൻ പാടകശേരി എന്നിവർ പ്രസംഗിച്ചു.