കൊച്ചി: കൊച്ചിയില് നിന്ന് ഷാര്ജയിലേക്കുള്ള എയര് ഇന്ത്യ വിമാനത്തിന് സാങ്കേതിക തകരാര്. ഇന്ന് ഉച്ചയ്ക്ക് 2 :35 ന് ഷാര്ജിക്കു പോകണ്ട ഫ്ലൈറ്റാണ് തകരാറിലായത്.
യാത്രക്കാരെ കയറ്റി റണ്വേയിലേക്ക് കേറിയ ശേഷമാണ് തകരാര് അധികൃതര്ക്ക് മനസ്സിലായത്. പിന്നീട് യാത്രക്കാരെ വിവരമറിയിക്കുകയായിരുന്നു. കുട്ടികളും മുതിര്ന്നവരുമടക്കം 100 ഓളം പേരാണ് വിമാനത്തിനകത്ത് ഉണ്ടായിരുന്നത്.
എന്നാല് തകരാര് ഉടന് പരിഹരിച്ചുകൊണ്ട് യാത്രതുടരാമെന്നാണ് അധികൃതര് വ്യക്തമാക്കിയത്.
പക്ഷെ വിമാനത്തില് ഇനി യാത്രചെയ്യാന് ഇല്ലെന്നാണ് യാത്രക്കാര് വ്യക്തമാക്കുന്നത്. പകരം സംവിധാനം എത്രയും വേഗം ഒരുക്കി നല്കണമെന്നാണ് യാത്രക്കാരുടെ ആവശ്യം.
