കാസർകോട്: കാസർകോട് ഹനാൻ ഷായുടെ സംഗീത പരിപാടിയിൽ നിയന്ത്രണം നഷ്ടപ്പെട്ടതിനെ തുടർന്ന് പരിപാടി സംഘാടകരായ അഞ്ചുപേർക്കും മറ്റ് കമ്മിറ്റിയംഗങ്ങൾക്കുമെതിരെ പോലീസ് കേസെടുത്തു.

പരിപാടിയിൽ പങ്കെടുക്കാൻ 3,000 പേർക്ക് മാത്രമേ പ്രവേശനം അനുവദിക്കാനാകൂ എന്ന് മുന്നറിയിപ്പുണ്ടായിരുന്നിട്ടും ഏകദേശം 10,000 പേർ വേദിയിലേക്ക് പ്രവേശിച്ചതായി എഫ്ഐആർ രേഖപ്പെടുത്തിയിട്ടുണ്ട്. പരിപാടി ആരംഭിക്കുന്നതിന് മുൻപ് തന്നെ ജനസംഖ്യ കൂടുകയും നഗരത്തിലെ ഗതാഗതം തടസ്സപ്പെടുകയും ചെയ്തു.

ജില്ലാ പൊലീസ് മേധാവി നേരിട്ട് എത്തി പരിപാടി നിർത്തി വെച്ചു. തിരക്കിലും തിക്കലിലും പെട്ട് അസ്വസ്ഥത അനുഭവിച്ച 15 ഓളം ആളുകളെ ആശുപത്രിയിൽ പ്രവേശിപ്പിച്ചെങ്കിലും ആരുടെയും നില ഗുരുതരമല്ല.