മലപ്പുറം: മാധ്യമ പ്രവര്ത്തരുടേതുള്പ്പെടെ തൊഴിലാളികളുടെ അവകാശങ്ങള് ഇല്ലാതാക്കുന്ന ലേബര് കോഡുകള് പ്രാബല്യത്തിലാക്കിയ കേന്ദ്രസര്ക്കാരിനെതിരേ മലപ്പുറത്ത് പത്രപ്രവർത്തകരും പത്ര ജീവനക്കാരും പ്രതിഷേധിച്ചു. കെ.യു.ഡബ്ല്യു.ജെ മലപ്പുറം ജില്ലാ കമ്മിറ്റിയും കേരള ന്യൂസ് പേപ്പര് എംപ്ലോയീസ് ഫെഡറേഷൻ (കെ.എന്.ഇ.എഫ്) ജില്ലാ കമ്മിറ്റിയും സംയുക്തമായാണ് പ്രതിഷേധ പ്രകടനവും സംഗമവും നടത്തിയത്. എസ്.ടി.യു സംസ്ഥാന പ്രസിഡന്റ് അഡ്വ. എം. റഹ്മത്തുള്ള ഉദ്ഘാടനം ചെയ്തു.
സി.ഐ.ടി.യു സംസ്ഥാന വൈസ് പ്രസിഡന്റ് വി. ശശികുമാര് മുഖ്യപ്രഭാഷണം നടത്തി. പത്രപ്രവർത്തക യൂണിയൻ ജില്ലാ പ്രസിഡന്റ് എസ്. മഹേഷ് കുമാര് അധ്യക്ഷനായി. കെ.എന്.ഇ.എഫ് ജില്ലാ പ്രസിഡന്റ് കെ.ബി പ്രദീപ്, പത്രപ്രവര്ത്തക യൂണിയന് സംസ്ഥാന കമ്മിറ്റി അംഗം സമീര് കല്ലായി, ജില്ലാ വൈസ് പ്രസിഡൻ്റ ഗീതു തമ്പി, കെ.എന്.ഇ.എഫ് സംസ്ഥാന കമ്മിറ്റി അംഗം എം. ഫസലുറഹ്മാന് സംസാരിച്ചു. പത്രപ്രവർത്തക യൂണിയൻ ജില്ലാ സെക്രട്ടറി വി.പി നിസാര് സ്വാഗതവും കെ.എന്.ഇ.എഫ് ജില്ലാ സെക്രട്ടറി ടി. ഇസ്മായീല് നന്ദിയും പറഞ്ഞു.
