തൃശ്ശൂർ : കാട്ടകമ്പാൽ പഞ്ചായത്ത് 15, 17 വാർഡുകളിലെ എൻഡിഎ തെരഞ്ഞെടുപ്പ് കമ്മിറ്റി ഓഫീസ് ഭദ്രധ്വജത്തോടെ പ്രവർത്തനം ആരംഭിച്ചു. ബിജെപി നോർത്ത് ജില്ലാ പ്രസിഡന്റ് അഡ്വ. നിവേദിത സുബ്രഹ്മണ്യം ഓഫീസിന്റെ ഉദ്ഘാടനം നിർവഹിച്ചു.
ഉദ്ഘാടനം ചടങ്ങിൽ പതിനേഴാം വാർഡ് സ്ഥാനാർത്ഥി രമിതയും പതിനാറാം വാർഡ് സ്ഥാനാർഥിയും മെമ്പറുമായ പ്രദീപ് കൂനത്തും പങ്കെടുത്തു. വരാനിരിക്കുന്ന തെരഞ്ഞെടുപ്പിൽ വീടുതോറും ആളുകളിലേക്കും സംഘടനയുടെ സന്ദേശം എത്തിക്കുന്നതിന് കേന്ദ്രബിന്ദുവാകുന്നതാണ് കമ്മിറ്റി ഓഫീസ്. പ്രവർത്തകരുടെ സജീവ സാന്നിധ്യവും ജനപിന്തുണയും പരിപാടിക്ക് കൂടുതൽ ഉത്സാഹം പകർന്നു.
ഗ്രാമപഞ്ചായത്തിന്റെ നിർണ്ണായകമായ ഈ രണ്ടു വാർഡുകളിലും ശക്തമായ തിരഞ്ഞെടുപ്പ് രംഗപ്രവേശനത്തിനായുള്ള ഒരുക്കങ്ങൾ ഉദ്ഘാടനം ദിനത്തിൽ തന്നെ നിറഞ്ഞ ആവേശത്തോടെ മുന്നോട്ട് പോയി.
